Central Govt Job

സിവിൽ സർവീസസ് വിജ്‌ഞാപനം – 933 ഒഴിവ് | അവസാന തീയതി ഫെബ്രുവരി 24

24/02/2026

564

Ads

യൂണിയൻ പബ്ലിക് സർവീസ് കമ്മീഷൻ 2026 വർഷത്തെ സിവിൽ സർവീസസ് പരീക്ഷയ്ക്കുള്ള വിജ്‌ഞാപനം പ്രസിദ്ധീകരിച്ചു. 2026 ഫെബ്രുവരി 24 വരെ ഓൺലൈനായി അപേക്ഷിക്കാം. 2026 മേയ് 24നാണു പ്രിലിമിനറി പരീക്ഷ.

ഐഎഎസ്, ഐ എഫ് എസ്. ഐപിഎസ് തുടങ്ങി 23 വിഭാഗങ്ങളിലായി ഈ വർഷം ആകെ 933 ഒഴിവുകളാണു വിജ്‌ഞാപനം ചെയ്തിരിക്കുന്നത്. കഴിഞ്ഞ നാലുവർഷത്തെ ഏറ്റവും കുറവ് ഒഴിവാണിത്. കഴിഞ്ഞ വർഷം 979 ഒഴിവാണ് ഉണ്ടായിരുന്നത്. ആകെ ഒഴിവിൽ 33 എണ്ണം ഭിന്നശേഷിക്കാർക്കായി സംവരണം ചെയ്‌തിട്ടുണ്ട്. ഇതിൽ 7 എണ്ണം കാഴ്‌ച വൈകല്യമുള്ളവർക്കും 11 എണ്ണം സംസാര-കേൾവി വെല്ലുവിളിയുള്ളവർക്കും സംവരണം ചെയ്‌തിരിക്കുന്നു. ഒഴിവുകളുടെ എണ്ണത്തിൽ മാറ്റം വരാം.

യോഗ്യത: ഏതെങ്കിലും വിഷയത്തിൽ ബിരുദം. അവസാനവർഷ വിദ്യാർഥികളെയും പരിഗണിക്കും. ഇവർ മെയിൻ പരീക്ഷയുടെ അപേക്ഷയ്ക്കൊപ്പം യോഗ്യത നേടിയതിന്റെ തെളിവും ഹാജരാക്കണം. മെഡിക്കൽ ബിരുദക്കാർ ഇൻ്റേൺഷിപ്പ് പൂർത്തിയാക്കിയ സർട്ടിഫിക്കറ്റ് ഇൻ്റർവ്യൂ സമയത്തു ഹാജരാക്കണം. ബിരുദത്തിനു തുല്യമായ പ്രഫഷണൽ/ടെക്നിക്കൽ യോഗ്യതയു ള്ളവർക്കും പരീക്ഷയെഴുതാം.

ജനറൽ വിഭാഗക്കാർക്ക് ആറു തവണ പ്രിലിമിനറിക്ക് അപേക്ഷിക്കാം. പട്ടികവിഭാഗക്കാർക്കു പരിധി ബാധകമല്ല. മറ്റു പിന്നാക്കവിഭാഗക്കാർക്കും ഭിന്നശേഷിക്കാർക്കും 9 അവസരം ലഭിക്കും.

പ്രായം: 2026 ഓഗസ്റ്റ് ഒന്നിന് 21-32. പട്ടിക വിഭാഗത്തിന് അഞ്ചും ഒബിസിക്കു മൂന്നും ഭിന്നശേഷിക്കാർക്കു പത്തും വർഷം ഇളവുണ്ട്. വിമുക്തഭടന്മാർക്കും ഇളവുണ്ട്.

തെരഞ്ഞെടുപ്പ്: പ്രിലിമിനറി (ഒബ്ജ‌ക്ടീവ് ടൈപ്പ്), മെയിൻ പരീക്ഷ, ഇൻ്റർവ്യൂ എന്നി വയുടെ അടിസ്ഥാനത്തിൽ പ്രിലിമിനറി പ രീക്ഷയ്ക്കു കൊച്ചിയും തിരുവനന്തപുര വും കോഴിക്കോടും മെയിൻ പരീക്ഷയ്ക്കു തിരുവനന്തപുരവും കേന്ദ്രമാണ്.

പരീക്ഷാ രീതി: പ്രിലിമിനറി പരീക്ഷയ്ക്ക് 200 മാർക്ക് വീതമുള്ള രണ്ടു ജനറൽ പേപ്പ റുകളുണ്ട്. ഒബ്ജക്ടീവ് മാതൃകയിലുള്ള മ ൾട്ടിപ്പിൾ ചോയ്‌സ് ചോദ്യങ്ങൾ. ദൈർഘ്യം 2 മണിക്കൂർ വീതം. നെഗറ്റീവ് മാർക്കുണ്ട്. രണ്ടാം പേപ്പർ ക്വാളിഫൈയിംഗ് പേപ്പറാ ണ്. ഇതിന് 33% മാർക്ക് നേടണം. മെയിൻ പരീക്ഷ ഡിസ്ക്രിപ്റ്റീവ് മാതൃകയിലാണ്. പരീക്ഷയിലെയും അഭിമുഖത്തിലെയും മാർക്ക് പരിഗണിച്ചാണ് അന്തിമ ലിസ്റ്റ് തയാറാക്കുക.

ഫീസ്: 100 രൂപ. ഓൺലൈനായി പണമടയ്ക്കാം. സ്ത്രീകൾക്കും പട്ടികവിഭാഗക്കാർക്കും ഭിന്നശേഷിക്കാർക്കും ഫീസില്ല.

അപേക്ഷിക്കേണ്ട വിധം: https://upsconline.nic.in എന്ന വെബ്സൈറ്റു വഴി ഓൺലൈനായി അപേക്ഷിക്കുക. സിലബസ്, പരീക്ഷാക്രമം ഉൾപ്പെടെയു ള്ള വിജ്ഞാപനത്തിൻ്റെ പൂർണരൂപം www.upsc.gov.in എന്ന വെബ്സൈറ്റിൽ.