ആർമിയിൽ നഴ്‌സിങ് അസിസ്റ്റൻ്റ്/ ശിപായി ഫാർമ അവസരം

27/02/2026

1807

Ads

ഇന്ത്യൻ ആർമിയിൽ സോൾജിയർ ടെക്നിക്കൽ നഴ്സിങ് അസിസ്റ്റൻ്റ്/നഴ്സ‌ിങ് അസിസ്റ്റന്റ്റ് (വെറ്ററിനറി), ശിപായി ഫാർമ തസ്തികകളിലേക്ക് അപേക്ഷ ക്ഷണിച്ചു. പുരുഷന്മാർക്കാണ് അവസരം. ഓൺലൈൻ പരീക്ഷയ്ക്കുശേഷം റിക്രൂട്ട്‌മെൻ്റ് റാലി നടത്തിയായിരിക്കും തിരഞ്ഞെടുപ്പ്. ബെംഗളൂരു സോണൽ റിക്രൂട്ടിങ് ഓഫീസ് മുഖേനയാണ് കേരളം, കർണാടക സംസ്ഥാനങ്ങളിലെയും ലക്ഷദ്വീപ്, മാഹി എന്നീ കേന്ദ്രഭരണ പ്രദേശങ്ങളിലെയും ഉദ്യോഗാർഥികളുടെ തിരഞ്ഞെടുപ്പ്.

യോഗ്യത

നഴ്സിങ് അസി സ്റ്റന്റിന് ഫിസിക്സ്, കെമിസ്ട്രി, ബയോളജി/ സുവോളജി/ബോട്ടണി, ഇംഗ്ലീഷ് വിഷയങ്ങ ളുൾപ്പെട്ട സയൻസ് പ്ലസ്‌ടുവാണ് യോഗ്യത (ഓരോ വിഷയത്തിനും 40 ശതമാനവും ആകെ 50 ശതമാനവും മാർക്ക് നേടിയിരിക്കണം). ശിപായ് ഫാർമ തസ്തികയിലേക്ക് പ്ലസ്‌ടു/തത്തുല്യവും കുറഞ്ഞത് 55 ശതമാനം മാർക്കോടെയുള്ള ഡി.ഫാം/ കുറഞ്ഞത് 50 ശതമാനം മാർക്കോടെയുള്ള ബി.ഫാമും ദേശീയ/സംസ്ഥാന ഫാർമസി കൗൺസിലിൽ രജിസ്ട്രേഷനുമാണ് യോഗ്യത.

പ്രായം

നഴ്സ‌ിങ് അസിസ്റ്റൻ്റ് തസ്തികയിലേക്ക് അപേക്ഷിക്കുന്നവർ 2004 ജൂലായ് ഒന്നിനും 2009 ജൂലായ് ഒന്നിനും ഇടയിൽ (രണ്ട് തീയതികളും ഉൾപ്പെടെ) ജനിച്ചവരായിരിക്കണം. ശിപായ് ഫാർമ തസ്തികയിലേക്ക് അപേക്ഷിക്കുന്നവർ 2002 ജൂലായ് ഒന്നിനും 2008 ജനുവരി ഒന്നിനും ഇടയിൽ ജനി ച്ചവരുമായിരിക്കണം (രണ്ട് തീയതികളും ഉൾപ്പെടെ).

What you should read next

ഇന്ത്യൻ കോസ്റ്റ് ഗാർഡിൽ ജോലി നേടാം | 12 ക്ലാസ്, ഡിപ്ലോമ യോഗ്യതയുള്ളവർക്ക് അപേക്ഷിക്കാം: 365 ഒഴിവ്

ശാരീരികയോഗ്യത

165 സെ.മീ. ഉയരം 77 സെമി നെഞ്ചളവ് (5 സെമി വരെ വികാസം). പ്രായത്തിനും ഉയരത്തിനുമൊത്ത തൂക്കം. കായിക താരങ്ങൾക്ക് ഉയരത്തിൽ രണ്ട് സെന്റി മീറ്ററും നെഞ്ചളവിൽ മൂന്ന് സെന്റി മീറ്ററും തൂക്കത്തിൽ അഞ്ച് കിലോഗ്രാമും ഇളവ് അനുവദിക്കും.

Ads

തിരഞ്ഞെടുപ്പ്:

ഓൺലൈൻ പരീക്ഷ 2026 ജൂൺ ഒന്നിനും 15-നും ഇടയിൽ നടക്കും. ഇംഗ്ലിഷും മലയാളവും ഉൾപ്പെടെ 13 ഭാഷകളിൽ പരീക്ഷയെഴുതാം. കായികതാര ങ്ങൾക്കും എൻസിസിയുടെ എ. ബി, സി സർട്ടിഫിക്കറ്റുള്ളവർക്കും പരീക്ഷയിൽ ബോണസ് മാർക്ക് ഉണ്ടായിരിക്കും. 1.6 കിലോമീറ്റർ ഓട്ടം, പുൾഅപ്, ഫിറ്റ് ഡിച്ച്, സിഗ്-സാഗ് ബാലൻസ് എന്നിവയാണ് റിക്രൂട്ട്മെൻ്റ് റാലിയിൽ ഉണ്ടാവുക

അപേക്ഷാഫീസ്:

250 രൂപ ഓൺലൈനായി അടയ്ക്കണം. അപേക്ഷ: ഓൺലൈനായി അപേക്ഷിക്കണം. അപേക്ഷ സ്വീകരിക്കുന്ന അവസാന തീയതി: 2026 ഏപ്രിൽ 1. വെബ്‌സൈറ്റ് https://joinindianarmy.nic.in/