ഫിഷറീസ് വകുപ്പിൽ ജോലി ഒഴിവുകൾ : പ്രോജക്ട് കോ-ഓർഡിനേറ്റർ, ഫിഷറി ഗാർഡ് നിയമനം

കൊല്ലം ഫിഷറീസ് വകുപ്പിൽ പ്രോജക്ട് കോ-ഓർഡിനേറ്റർ, ഫിഷറി ഗാർഡ് എന്നീ തസ്തികകളിലേക്ക് താൽക്കാലിക നിയമനം നടത്തുന്നു. അഷ്ടമുടി കായൽ സംരക്ഷണവുമായി ബന്ധപ്പെട്ട് നടപ്പാക്കുന്ന 2026-27 പദ്ധതിയുടെ ഭാഗമായാണ് നിയമനം. ദിവസവേതന അടിസ്ഥാനത്തിലാണ് നിയമനം നടത്തുന്നത്. യോഗ്യതയുള്ള ഉദ്യോഗാർഥികൾക്ക് ബയോഡേറ്റയും ആവശ്യമായ സർട്ടിഫിക്കറ്റുകളുടെ പകർപ്പുകളും സഹിതം അപേക്ഷിക്കാം. അപേക്ഷ സമർപ്പിക്കേണ്ട അവസാന തീയതി 2026 നവംബർ 13 വൈകീട്ട് 4 മണി.

ജോലി ഒഴിവുകളുടെ വിശദാംശങ്ങൾ

1. പ്രോജക്ട് കോ-ഓർഡിനേറ്റർ

വിദ്യാഭ്യാസ യോഗ്യത : താഴെ പറയുന്ന ഏതെങ്കിലും വിഷയങ്ങളിൽ ബിരുദം അല്ലെങ്കിൽ ബിരുദാനന്തര ബിരുദം നേടിയവർക്ക് അപേക്ഷിക്കാം.

• ഫിഷറീസ് സയൻസ്
• ഇൻഡസ്ട്രിയൽ ഫിഷറീസ്
• മാരികൾച്ചർ
• മറൈൻ ബയോളജി
• കോസ്റ്റൽ അക്വാകൾച്ചർ
• അക്വാട്ടിക് ബയോളജി ആൻഡ് ഫിഷറീസ്
• അക്വാകൾച്ചർ
• അക്വാകൾച്ചർ ആൻഡ് ഫിഷറി മൈക്രോബയോളജി
• ക്യാപ്ചർ ആൻഡ് കൾച്ചർ ഫിഷറീസ്
• അക്വാകൾച്ചർ ആൻഡ് ഫിഷറി ബയോളജി
• അപ്ലൈഡ് ഫിഷറീസ് ആൻഡ് അക്വാകൾച്ചർ
• ഫിഷ് പ്രോസസ്സിങ് ടെക്നോളജി ആൻഡ് അക്വാകൾച്ചർ
• അക്വാകൾച്ചർ എൻജിനീയറിങ്

കൂടാതെ അംഗീകൃത സർവകലാശാലയിൽ നിന്ന് സുവോളജിയിൽ ബിരുദാനന്തര ബിരുദം നേടിയവർക്കും അപേക്ഷിക്കാം.
പ്രായപരിധി: പരമാവധി 35 വയസ്സ്.
മുൻഗണന: പ്രവൃത്തിപരിചയവും കമ്പ്യൂട്ടർ പരിജ്ഞാനവുമുള്ളവർക്ക് മുൻഗണന ലഭിക്കും.

What you should read next

കണ്ണൂർ അന്താരാഷ്ട്ര വിമാനത്താവളത്തിൽ (KIAL) ജോലി ഒഴിവുകൾ: ശമ്പളം ₹2,20,000 വരെ

2. ഫിഷറി ഗാർഡ്

വിദ്യാഭ്യാസ യോഗ്യത – ഏതെങ്കിലും ഫിഷറീസ് വിഷയത്തിൽ VHSE അല്ലെങ്കിൽ HSE അടിസ്ഥാന യോഗ്യത ഉണ്ടായിരിക്കണം.
മറ്റ് യോഗ്യതകൾ

• മോട്ടോറൈസ്ഡ് ഫിഷിങ് ബോട്ട് പ്രവർത്തിപ്പിക്കാൻ പ്രാവീണ്യം ഉണ്ടായിരിക്കണം.
• രണ്ട് മിനിറ്റിനുള്ളിൽ 100 മീറ്റർ ദൂരം നീന്താൻ കഴിവുണ്ടായിരിക്കണം.
• ഉൾനാടൻ മത്സ്യത്തൊഴിലാളി കുടുംബത്തിൽപ്പെട്ടവരായിരിക്കണം.
• പ്രായപരിധി: 18 മുതൽ 45 വയസ്സ് വരെ.
• മുൻഗണന: സമാന തസ്തികയിൽ പ്രവൃത്തിപരിചയമുള്ളവർക്ക് മുൻഗണന ലഭിക്കും.

എങ്ങനെ അപേക്ഷിക്കാം?

താൽപര്യമുള്ള ഉദ്യോഗാർഥികൾ ബയോഡേറ്റ തയ്യാറാക്കി താഴെ പറയുന്ന സർട്ടിഫിക്കറ്റുകളുടെ പകർപ്പുകൾ സഹിതം അപേക്ഷ സമർപ്പിക്കണം.

1. വിദ്യാഭ്യാസ യോഗ്യത തെളിയിക്കുന്ന സർട്ടിഫിക്കറ്റുകൾ.
2. പ്രായം തെളിയിക്കുന്ന സർട്ടിഫിക്കറ്റ്.
3. പ്രവൃത്തിപരിചയം തെളിയിക്കുന്ന സർട്ടിഫിക്കറ്റുകൾ (ഉണ്ടെങ്കിൽ).

അപേക്ഷ കൊല്ലം ഫിഷറീസ് ഡെപ്യൂട്ടി ഡയറക്ടർക്ക് സമർപ്പിക്കണം. അപേക്ഷ സമർപ്പിക്കേണ്ട വിലാസം
ഫിഷറീസ് ഡെപ്യൂട്ടി ഡയറക്ടർ, കൊല്ലം.
അവസാന തീയതി: 2026 നവംബർ 13 സമയം: വൈകീട്ട് 4 മണിക്ക് മുമ്പ്. ഫോൺ: 0474-2792850

അഷ്ടമുടി കായൽ സംരക്ഷണവുമായി ബന്ധപ്പെട്ട് ഫിഷറീസ് വകുപ്പ് നടപ്പാക്കുന്ന Integrated Fishery Resource Management in Inland Aquatic Ecosystems 2026-27 പദ്ധതിയുടെ ഭാഗമായാണ് ഈ നിയമനം. നിയമനം താൽക്കാലികവും ദിവസവേതന അടിസ്ഥാനത്തിലുമാണ്. അപേക്ഷിക്കുന്നതിന് മുമ്പ് ആവശ്യമായ യോഗ്യതകളും നിബന്ധനകളും ഉറപ്പുവരുത്തുക.

WhatsApp Channel

Join Now

Telegram Channel

Join Now

Add Free Job Alerts Kerala as a trusted source on Google