എസ്.ബി.ഐയിൽ അപ്രന്റീസ് ആകാം:  7,150 ഒഴിവ്, കേരളത്തിൽ 403

സ്റ്റേറ്റ് ബാങ്ക് ഓഫ് ഇന്ത്യയിൽ (SBI) അപ്രന്റീസ് ആകാൻ ബിരുദധാരികൾക്ക് സുവർണ്ണാവസരം. രാജ്യത്തുടനീളം മൊത്തം 7,150 ഒഴിവുകളാണുള്ളത്. ഇതിൽ കേരളത്തിൽ മാത്രം 403 ഒഴിവുകളുണ്ട്. അപ്രന്റീസ് ആക്ട് 1961 പ്രകാരം ഒരു വർഷത്തേക്കാണ് പരിശീലനം നൽകുന്നത്. താത്പര്യമുള്ള ഉദ്യോഗാർത്ഥികൾക്ക് 2026 ജൂൺ 8 2026 June 15 വരെ ഓൺലൈനായി അപേക്ഷിക്കാവുന്നതാണ്.

യോഗ്യതയും പ്രായപരിധിയും

• വിദ്യാഭ്യാസ യോഗ്യത: അംഗീകൃത സർവ്വകലാശാലയിൽ നിന്നുള്ള ഏതെങ്കിലും വിഷയത്തിലുള്ള ബിരുദം (Degree).
• പ്രായപരിധി: 20 മുതൽ 28 വയസ്സ് വരെ. ഉയർന്ന പ്രായപരിധിയിൽ പട്ടികജാതി/പട്ടികവർഗ്ഗ വിഭാഗക്കാർക്കും, മറ്റ് പിന്നാക്ക വിഭാഗക്കാർക്കും, ഭിന്നശേഷിക്കാർക്കും നിയമപരമായ ഇളവുകൾ ലഭിക്കുന്നതാണ്. യോഗ്യതയും പ്രായവും 2026 ഏപ്രിൽ 1 അടിസ്ഥാനമാക്കി കണക്കാക്കും.

പ്രധാന നിബന്ധനകൾ

• ഉദ്യോഗാർത്ഥികൾക്ക് ഏതെങ്കിലും ഒരു സംസ്ഥാനത്തേക്ക് മാത്രമേ അപേക്ഷിക്കാൻ സാധിക്കുകയുള്ളൂ.
• അപേക്ഷിക്കുന്ന സംസ്ഥാനത്തെ ഔദ്യോഗിക/പ്രാദേശിക ഭാഷ കൈകാര്യം ചെയ്യാൻ അറിഞ്ഞിരിക്കണം.
• ഒന്നോ അതിലധികമോ വർഷത്തെ യോഗ്യതാനന്തര പരിശീലനമോ പ്രവൃത്തിപരിചയമോ (Work Experience) ഉള്ളവർ അപേക്ഷിക്കാൻ അർഹരല്ല.

സ്റ്റൈപ്പൻഡ് (Stipend)

തിരഞ്ഞെടുക്കപ്പെടുന്നവർക്ക് പരിശീലന കാലയളവിൽ പ്രതിമാസം 15,000 രൂപ സ്റ്റൈപ്പൻഡ് ആയി ലഭിക്കും.

തിരഞ്ഞെടുപ്പ് രീതി

ഓൺലൈൻ പരീക്ഷ, പ്രാദേശിക ഭാഷാ പരീക്ഷ എന്നിവയുടെ അടിസ്ഥാനത്തിലാണ് തിരഞ്ഞെടുപ്പ്. പരീക്ഷ ജൂലൈയിൽ നടക്കും.
പരീക്ഷാ ഘടന (1 മണിക്കൂർ):

What you should read next

സെൻട്രൽ വെയർഹൗസിംഗ് കോർപ്പറേഷനിൽ 327 ഒഴിവുകൾ

• ജനറൽ/ഫിനാൻഷ്യൽ അവയർനസ് (25 ചോദ്യം, 25 മാർക്ക്)
• ജനറൽ ഇംഗ്ലീഷ് (25 ചോദ്യം, 25 മാർക്ക്)
• ക്വാണ്ടിറ്റേറ്റീവ് ആപ്റ്റിറ്റ്യൂഡ് (25 ചോദ്യം, 25 മാർക്ക്)
• റീസണിംഗ് എബിലിറ്റി ആൻഡ് കമ്പ്യൂട്ടർ ആപ്റ്റിറ്റ്യൂഡ് (25 ചോദ്യം, 25 മാർക്ക്)

ശ്രദ്ധിക്കുക: കേരളത്തിലെ ഒഴിവുകളിലേക്ക് അപേക്ഷിക്കുന്നവർക്ക് മലയാളത്തിൽ പരീക്ഷ എഴുതാവുന്നതാണ്. തിരുവനന്തപുരം, കൊല്ലം, ആലപ്പുഴ, കോട്ടയം, എറണാകുളം, തൃശ്ശൂർ, പാലക്കാട്, മലപ്പുറം, കോഴിക്കോട്, കണ്ണൂർ എന്നിവടങ്ങളിൽ പരീക്ഷാ കേന്ദ്രങ്ങളുണ്ട്. 10 അല്ലെങ്കിൽ 12-ാം ക്ലാസ് തലത്തിൽ പ്രാദേശിക ഭാഷ (മലയാളം) പഠിച്ചതിന്റെ രേഖകൾ (മാർക്ക് ഷീറ്റ്/സർട്ടിഫിക്കറ്റ്) ഹാജരാക്കുന്നവർക്ക് ലോക്കൽ ലാംഗ്വേജ് ടെസ്റ്റ് ബാധകമല്ല.

അപേക്ഷാ ഫീസ്

• പൊതുവിഭാഗത്തിന് 300 രൂപ ഓൺലൈനായി അടയ്ക്കണം
• പട്ടികവിഭാഗം, ഭിന്നശേഷിക്കാർ എന്നിവർക്ക് അപേക്ഷാ ഫീസ് ഇല്ല.

അപേക്ഷിക്കേണ്ട വിധം

താഴെ നൽകിയിരിക്കുന്ന ഔദ്യോഗിക വെബ്‌സൈറ്റ് ലിങ്കുകൾ വഴി ഉദ്യോഗാർത്ഥികൾക്ക് ഓൺലൈനായി അപേക്ഷ സമർപ്പിക്കാം: കൂടുതൽ വിവരങ്ങൾക്കും വിജ്ഞാപനത്തിനുമായി www.sbi.co.in എന്ന വെബ്‌സൈറ്റ് സന്ദർശിക്കുക

• https://apprenticeshipindia.org
• https://sbi.bank/careers

WhatsApp Channel

Join Now

Telegram Channel

Join Now

Add Free Job Alerts Kerala as a trusted source on Google