Banking Jobs

യൂക്കോ ബാങ്കില്‍ 544 അപ്രന്റിസ് ഒഴിവ് – UCO Bank Apprenticeship

12/07/2024

1264

Ads

കൊല്‍ക്കത്ത ആസ്ഥാനമായുള്ള പൊതുമേഖലാ ബാങ്കായ യൂക്കോ ബാങ്കില്‍ അപ്രന്റിസ്ഷിപ്പിന് (Uco Bank Apprenticeship Recruitment) അപേക്ഷ ക്ഷണിച്ചു. വിവിധ സംസ്ഥാനങ്ങളിലും കേന്ദ്രഭരണപ്രദേശങ്ങളിലുമായി 544 ഒഴിവുണ്ട്. 9 ഒഴിവാണ് കേരളത്തിലുള്ളത് (ജനറല്‍-7, ഒ.ബി.സി.-2). ലക്ഷദ്വീപില്‍ ഒരു (ജനറല്‍) ഒഴിവുമുണ്ട്. ഒരു വര്‍ഷമാണ് പരിശീലനം.

യോഗ്യത: അംഗീകൃത സര്‍വകലാശാല/ സ്ഥാപനത്തില്‍നിന്നുള്ള ബിരുദമാണ് യോഗ്യത. ഏത് സംസ്ഥാനത്തെക്കാണോ അപേക്ഷിക്കുന്നത് ആ സംസ്ഥാനത്തെ പ്രാദേശിക ഭാഷ എഴുതാനും വായിക്കാനും മനസ്സിലാക്കാനും അറിയണം. ഈ ഭാഷ പഠിച്ചതായി തെളിയിക്കുന്നതിന് പത്താംക്ലാസിലെയോ പന്ത്രണ്ടാംക്‌ളാസിലെയോ മാര്‍ക്ക്ഷിറ്റ്/ സര്‍ട്ടിഫിക്കറ്റ് ഹാജരാക്കണം. ഹാജരാക്കാത്തവര്‍ ഈ ഭാഷയിലെ പരിജ്ഞാനം തെളിയിക്കുന്ന പരീക്ഷകൂടി അഭിമുഖീകരിക്കണം.

പ്രായം: 2024 ജൂലായ് ഒന്നിന് 20-28. അപേക്ഷകര്‍ 02.07.1996-നും 01.07.2004-നും ഇടയില്‍ ജനിച്ചവരായിരിക്കണം (രണ്ട് തീയതികളും ഉള്‍പ്പെടെ). എസ്.സി., എസ്.ടി. വിഭാഗക്കാര്‍ക്ക് അഞ്ച് വര്‍ഷത്തെയും ഒ.ബി.സി. വിഭാഗക്കാര്‍ക്ക് മൂന്ന് വര്‍ഷത്തെയും ഇളവ് ലഭിക്കും. ഭിന്നശേഷിക്കാര്‍ക്ക് 10 വര്‍ഷത്തെ (എസ്.സി., എസ്.ടി.-15 വര്‍ഷം, ഒ.ബി.സി.-13 വര്‍ഷം) ഇളവുണ്ട്. വിധവകള്‍ക്കും പുനര്‍വിവാഹിതരാവാത്ത വിവാഹമോചിതകള്‍ക്കും 35 വയസ്സ് (എസ്.സി., എസ്.ടി-40, ഒ.ബി.സി.-38) വരെ അപേക്ഷിക്കാം.

What you should read next

എംപ്ലോയബിലിറ്റി സെന്ററിൽ തൊഴില്‍ മേള

സ്‌റ്റൈപെന്‍ഡ്: 15,000 രൂപ. എഴുത്തുപരീക്ഷ നടത്തിയായിരിക്കും തിരഞ്ഞെടുപ്പ്. അപേക്ഷ: എന്‍.എ.ടി.എസ്. പോര്‍ട്ടലായ https://nats.education.gov.in വഴി രജിസ്റ്റര്‍ ചെയ്യണം. അവസാന തീയതി: 2024 ജൂലായ് 16. വിശദവിവരങ്ങള്‍ https://ucobank.com എന്ന വെബ്സൈറ്റില്‍ ലഭിക്കും.