SSC ജൂനിയർ എഞ്ചിനീയർ (JE) വിജ്ഞാപനം: 1748 ഒഴിവുകൾ

സ്റ്റാഫ് സെലക്ഷൻ കമ്മീഷൻ (SSC) ജൂനിയർ എഞ്ചിനീയർ (Civil, Electrical, Mechanical, Telecom) കൂടാതെ ഇന്ത്യ മെറ്റീരിയോളജിക്കൽ ഡിപ്പാർട്ട്‌മെന്റിലെ (IMD) സയന്റിഫിക് അസിസ്റ്റന്റ് തസ്തികകളിലേക്ക് അപേക്ഷ ക്ഷണിച്ചു. കേന്ദ്ര സർക്കാരിന് കീഴിലുള്ള വിവിധ വകുപ്പുകളിലായി ആകെ 1748 ഒഴിവുകളിലേക്കാണ് തെരഞ്ഞെടുപ്പ് നടക്കുന്നത്. പേ മാട്രിക്‌സ് ലെവൽ-6 (₹35,400 – ₹1,12,400/-) ശമ്പള സ്കെയിലിലുള്ള ഗ്രൂപ്പ് ‘ബി’ തസ്തികകളാണിത്.

പ്രധാന തീയതികൾ (Important Dates)

• ഓൺലൈൻ അപേക്ഷ ആരംഭിക്കുന്ന തീയതി: 02.09.2026
• അപേക്ഷിക്കാനുള്ള അവസാന തീയതി: 22.09.2026 (രാത്രി 11:00 വരെ)
• ഓൺലൈൻ ഫീസ് അടയ്ക്കാനുള്ള അവസാന തീയതി: 23.09.2026 (രാത്രി 11:00 വരെ)
• അപേക്ഷ തിരുത്താനുള്ള സമയം (Correction Window): 28.09.2026 മുതൽ 30.09.2026 വരെ
• കമ്പ്യൂട്ടർ അധിഷ്ഠിത പരീക്ഷ (Paper-I): ഒക്ടോബർ/നവംബർ 2026
• കമ്പ്യൂട്ടർ അധിഷ്ഠിത പരീക്ഷ (Paper-II): ഡിസംബർ 2026

വിദ്യാഭ്യാസ യോഗ്യതയും പ്രായപരിധിയും (Eligibility & Age Limit)

• പ്രായപരിധി (01.08.2026 പ്രകാരം):
  • 30 വയസ്സ് വരെ പ്രായപരിധിയുള്ള തസ്തികകൾക്ക്: അപേക്ഷകർ 02.08.1996-നും 01.08.2008-നും ഇടയിൽ ജനിച്ചവരായിരിക്കണം.
  • 32 വയസ്സ് വരെ പ്രായപരിധിയുള്ള തസ്തികകൾക്ക് (CPWD, DGLL എന്നിവ): അപേക്ഷകർ 02.08.1994-നും 01.08.2008-നും ഇടയിൽ ജനിച്ചവരായിരിക്കണം.
  • നിയമാനുസൃതമായ പ്രായയിളവ് SC/ST (5 വർഷം), OBC (3 വർഷം), PwBD (10-15 വർഷം) വിഭാഗങ്ങൾക്ക് ലഭ്യമാണ്.

വിദ്യാഭ്യാസ യോഗ്യത:

• അതാത് എഞ്ചിനീയറിംഗ് ശാഖകളിൽ (Civil/Electrical/Mechanical/Telecom) ഉള്ള ഡിഗ്രി അല്ലെങ്കിൽ 3 വർഷത്തെ ഡിപ്ലോമ.
• ചില വകുപ്പുകളിൽ ഡിപ്ലോമക്കാർക്ക് 2 വർഷത്തെ പ്രവർത്തി പരിചയം (Experience) ആവശ്യമാണ് (ഉദാഹരണത്തിന് BRO, MES).
• IMD സയന്റിഫിക് അസിസ്റ്റന്റ് തസ്തികയിലേക്ക് ഫിസിക്സ് ഒരു വിഷയമായി പഠിച്ച ബി.എസ്.സി (B.Sc) അല്ലെങ്കിൽ കമ്പ്യൂട്ടർ സയൻസ്/ഐ.ടി/ഇലക്ട്രോണിക്സ് ഡിഗ്രി/ഡിപ്ലോമ ഉള്ളവർക്ക് അപേക്ഷിക്കാം.

അപേക്ഷാ ഫീസ് (Application Fee)

• ജനറൽ / OBC / EWS: ₹100/-
• സ്ത്രീകൾ, SC, ST, PwBD, പൂർവ്വ സൈനികർ (Ex-Servicemen): ഫീസ് ഇല്ല (Exempted).
• ഫീസ് ഭീം യു.പി.ഐ (BHIM UPI), നെറ്റ് ബാങ്കിംഗ്, ഡെബിറ്റ്/ക്രെഡിറ്റ് കാർഡുകൾ വഴി അടയ്ക്കാം.

കേരളത്തിലെ പരീക്ഷാ കേന്ദ്രങ്ങൾ (Exam Centres in Kerala – KKR Region)

കേരളത്തിൽ താഴെ പറയുന്ന നഗരങ്ങളിൽ പരീക്ഷാ കേന്ദ്രങ്ങൾ ലഭ്യമാണ്:

• കണ്ണൂർ (9202)
• കോട്ടയം (9205)
• കോഴിക്കോട് (9206)
• തിരുവനന്തപുരം (9211)
• എറണാകുളം (9210)
• കൊല്ലം (9213)
• തൃശൂർ (9212)
• ആലപ്പുഴ (9201)
• മലപ്പുറം (9207)

പരീക്ഷാ രീതി (Selection Process)

പരീക്ഷ രണ്ട് ഘട്ടങ്ങളായാണ് (Paper-I & Paper-II) നടക്കുന്നത്:

What you should read next

ഗ്രാമീണ ബാങ്കുകളിൽ ജോലി ഒഴിവ് : 13,700+ അവസരങ്ങൾ; അപേക്ഷ സെപ്റ്റംബർ 21 വരെ

1. Paper-I (ഓബ്ജക്ടീവ് ടൈപ്പ് – 200 മാർക്ക്):
   • ജനറൽ ഇന്റലിജൻസ് & റീസണിംഗ് (50 മാർക്ക്)
   • ജനറൽ അവെയർനസ് (50 മാർക്ക്)
   • ജനറൽ എഞ്ചിനീയറിംഗ് / വിഷയ അധിഷ്ഠിതം (100 മാർക്ക്)
   • സമയദൈർഘ്യം: 2 മണിക്കൂർ. നെഗറ്റീവ് മാർക്കിംഗ്: 0.25.
2. Paper-II (ഓബ്ജക്ടീവ് ടൈപ്പ് – 300 മാർക്ക്):
   • അതാത് സാങ്കേതിക വിഷയം/എഞ്ചിനീയറിംഗ് മേഖല മാത്രം (100 ചോദ്യങ്ങൾ).
   • സമയദൈർഘ്യം: 2 മണിക്കൂർ. നെഗറ്റീവ് മാർക്കിംഗ്: 1 മാർക്ക്. ശാസ്ത്രീയ കാൽക്കുലേറ്റർ (Scientific Calculator) സ്ക്രീനിൽ ലഭ്യമായിരിക്കും.

എങ്ങനെ അപേക്ഷിക്കാം? (How to Apply)

1. SSC-യുടെ ഔദ്യോഗിക വെബ്സൈറ്റ് (ssc.gov.in) സന്ദർശിക്കുക.
2. ഇതുവരെ രജിസ്റ്റർ ചെയ്യാത്തവർ പുതിയ വെബ്സൈറ്റിൽ One-Time Registration (OTR) പൂർത്തിയാക്കുക.
3. ലൈവ് ഫോട്ടോ (Live Photo) എടുക്കാനുള്ള സൗകര്യം ആപ്പിലും പോർട്ടലിലും ഉള്ളതിനാൽ വെബ്ക്യാം അല്ലെങ്കിൽ ‘mySSC’ മൊബൈൽ ആപ്പ് ഉപയോഗിച്ച് വ്യക്തമായ ഫോട്ടോ എടുത്തു നൽകുക.
4. വിവരങ്ങൾ നൽകി അപേക്ഷ ഫോം സബ്മിറ്റ് ചെയ്യുക, ആവശ്യമായ ഫീസ് അടയ്ക്കുക.
5. കൂടുതൽ വിവരങ്ങൾക്കും ഔദ്യോഗിക വിജ്ഞാപനം വായിക്കുന്നതിനുമായി ssc.gov.in വെബ്സൈറ്റ് സന്ദർശിക്കുക. ഹെൽപ്പ് ലൈൻ നമ്പർ: 180 030 930 63.

WhatsApp Channel

Join Now

Telegram Channel

Join Now

Add Free Job Alerts Kerala as a trusted source on Google