Jobs at Kerala

പട്ടികജാതി/വർഗക്കാർക്ക് സൗജന്യ തൊഴിൽ പരിശീലനവും റിക്രൂട്ട്‌മെന്റും

21/12/2021

333

Ads

കേന്ദ്ര തൊഴിൽ ഉദ്യോഗ മന്ത്രാലയത്തിന്റെ കീഴിൽ തിരുവനന്തപുരത്ത് തൈക്കാട് പ്രവർത്തിക്കുന്ന ദേശീയ തൊഴിൽ സേവന കേന്ദ്രം പ്രമുഖ മൾട്ടി നാഷണൽ കമ്പനിയായ ടാറ്റാ കൺസൾട്ടൻസി സർവീസുമായി (ടി.സി.എസ്) ചേർന്ന് പട്ടികജാതി/ വർഗത്തിൽപ്പെട്ട ഉദ്യോഗാർഥികൾക്കു വേണ്ടി 100 മണിക്കൂർ ദൈർഘ്യമുള്ള ഓൺലൈൻ സൗജന്യ തൊഴിൽ പരിശീലന പരിപാടിയും റിക്രൂട്ട്‌മെന്റും നടത്തും.

Ads

ബി.എ/ബി.ബി.എ/ബി.ബി.എം/ബി.കോം/ബി.എസ്‌സി (കമ്പ്യൂട്ടർ സയൻസ് ആന്റ് ഐ.ടി ഒഴിച്ച്) വിഷയത്തിലുള്ള ബിരുദമാണ് യോഗ്യത. ബി.ടെക്/ ബി.സി.എ/ ബിരുദാനന്തരബിരുദക്കാർ അപേക്ഷിക്കേണ്ടതില്ല. 2019ലോ 2020ലോ ബിരുദം നേടിയവരോ 2021ൽ അവസാനവർഷ ബിരുദ വിദ്യാർഥികളോ ആയിരിക്കണം. പത്താം ക്ലാസ്, പ്ലസ്ടു, ഡിഗ്രി റഗുലറായി പഠിച്ചിരിക്കണം. വിദൂര വിദ്യാഭ്യാസം വഴിയുള്ള പഠനം അംഗീകരിക്കില്ല.
യോഗ്യതയുള്ള പട്ടികജാതി/ വർഗത്തിൽപ്പെട്ട

ഉദ്യോഗാർഥികൾ വിശദമായ ബയോഡാറ്റയും യോഗ്യതാ സർട്ടിഫിക്കറ്റുകളുടെ കോപ്പിയും സഹിതം സബ് റീജിയണൽ എംപ്ലോയ്‌മെന്റ് ഓഫീസർ, നാഷണൽ കരിയർ സർവീസ് സെന്റർ ഫോർ എസ്.സി/എസ്.ടിസ്, മ്യൂസിക് കോളേജിന് പിൻവശം, തൈക്കാട്, തിരുവനന്തപുരം- 14 എന്ന വിലാസത്തിലോ cgctvmkerala@gmail.com ലോ 2021 ഡിസംബർ 31നകം ലഭ്യമാക്കണം. ഫോൺ: 0471- 2332113.

What you should read next