തിരുവനന്തപുരം എംപ്ലോയബിലിറ്റി സെന്റർ ജോബ് ഡ്രൈവ് ജൂൺ 20ന്; വിവിധ തസ്തികകളിൽ അവസരങ്ങൾ

17/06/2026

Ads

തിരുവനന്തപുരം ജില്ലാ എംപ്ലോയ്‌മെന്റ് എക്‌സ്ചേഞ്ചിനോടൊപ്പം പ്രവർത്തിക്കുന്ന എംപ്ലോയബിലിറ്റി സെന്ററിന്റെ ആഭിമുഖ്യത്തിൽ 2026 ജൂൺ 20-ന് രാവിലെ 11 മണിക്ക് ജോബ് ഡ്രൈവ് സംഘടിപ്പിക്കുന്നു. കടകംപള്ളി മിനി സിവിൽ സ്റ്റേഷനിലെ നാലാം നിലയിൽ പ്രവർത്തിക്കുന്ന എംപ്ലോയബിലിറ്റി സെന്ററിലാണ് അഭിമുഖങ്ങൾ നടക്കുക.

പത്താം ക്ലാസ് മുതൽ ബിരുദാനന്തര ബിരുദം വരെ യോഗ്യതയുള്ള, 40 വയസിൽ താഴെ പ്രായമുള്ള ഉദ്യോഗാർഥികൾക്ക് ജോബ് ഡ്രൈവിൽ പങ്കെടുക്കാം. പങ്കെടുക്കുന്നതിന് മുമ്പ് എംപ്ലോയബിലിറ്റി സെന്ററിൽ രജിസ്റ്റർ ചെയ്യേണ്ടതാണ്.

ഒഴിവുള്ള തസ്തികകൾ

ജോബ് ഡ്രൈവിലൂടെ താഴെപ്പറയുന്ന തസ്തികകളിലേക്കാണ് നിയമനം നടത്തുന്നത്:

What you should read next

കോട്ടയം എംപ്ലോയബിലിറ്റി സെന്റർ തൊഴിൽ മേള 20ന്

മാനേജ്‌മെന്റ് അസോസിയേറ്റ്
ബിസിനസ് ഡെവലപ്പർ
എച്ച്.ആർ എക്സിക്യൂട്ടീവ്
എച്ച്.ആർ മാനേജർ
ബ്രാഞ്ച് മാനേജർ
ഇൻഷുറൻസ് മാനേജർ
അസിസ്റ്റന്റ് ഇൻഷുറൻസ് മാനേജർ
ഫിനാൻഷ്യൽ കൺസൾട്ടന്റ്
മക്ഡൊണാൾഡ്സ് ജനറൽ സ്റ്റാഫ്

രജിസ്ട്രേഷൻ വിശദാംശങ്ങൾ

ഒറ്റത്തവണയായി 300 രൂപ രജിസ്ട്രേഷൻ ഫീസ് അടച്ച് എംപ്ലോയബിലിറ്റി സെന്ററിൽ അംഗമാകുന്ന ഉദ്യോഗാർഥികൾക്ക് തിരുവനന്തപുരം ഉൾപ്പെടെ സംസ്ഥാനത്തെ വിവിധ ജില്ലകളിൽ നടക്കുന്ന ആഴ്ചതോറുമുള്ള അഭിമുഖങ്ങളിലും ജോബ് ഫെയറുകളിലും പങ്കെടുക്കാൻ അവസരം ലഭിക്കും. രജിസ്ട്രേഷനായി ആധാർ കാർഡ് നിർബന്ധമായും കൊണ്ടുവരണം.

സൗജന്യ പരിശീലന സൗകര്യം

എംപ്ലോയബിലിറ്റി സെന്ററിൽ രജിസ്റ്റർ ചെയ്യുന്ന ഉദ്യോഗാർഥികൾക്ക് തൊഴിൽ നേടാൻ ആവശ്യമായ സോഫ്റ്റ് സ്കിൽ പരിശീലനവും കമ്പ്യൂട്ടർ പരിശീലനവും ലഭ്യമാക്കും. ഇത് അഭിമുഖങ്ങളിൽ മികച്ച പ്രകടനം കാഴ്ചവയ്ക്കാനും തൊഴിൽ സാധ്യത വർധിപ്പിക്കാനും സഹായകരമാകും.