കേരള പോലീസിൽ പോലീസ് കോൺസ്റ്റബിൾ ഡ്രൈവർ നിയമനം; പ്ലസ് ടു യോഗ്യത, ശമ്പളം ₹66,800 വരെ

കേരള പബ്ലിക് സർവീസ് കമ്മീഷൻ (PSC) കേരള പോലീസ് വകുപ്പിൽ പോലീസ് കോൺസ്റ്റബിൾ ഡ്രൈവർ / വനിതാ പോലീസ് കോൺസ്റ്റബിൾ ഡ്രൈവർ തസ്തികയിലേക്ക് അപേക്ഷ ക്ഷണിച്ചു. സംസ്ഥാനതലത്തിൽ നേരിട്ടുള്ള നിയമനമാണ് നടത്തുന്നത്. പ്രതീക്ഷിത ഒഴിവുകളിലേക്കാണ് റിക്രൂട്ട്മെന്റ്.

തസ്തിക

• പോലീസ് കോൺസ്റ്റബിൾ ഡ്രൈവർ
• വനിതാ പോലീസ് കോൺസ്റ്റബിൾ ഡ്രൈവർ
• വകുപ്പ്: കേരള പോലീസ്
• ശമ്പളം: ₹31,100 – ₹66,800
• പ്രായപരിധി: 20 മുതൽ 32 വയസ്സ് വരെ.
• 02.01.1994 നും 01.01.2006 നും ഇടയിൽ ജനിച്ചവർക്ക് അപേക്ഷിക്കാം. ഒ.ബി.സി. വിഭാഗക്കാർക്ക് 35 വയസ്സ് വരെയും, എസ്.സി./എസ്.ടി. വിഭാഗക്കാർക്ക് 37 വയസ്സ് വരെയും, വിമുക്തഭടന്മാർക്ക് 45 വയസ്സ് വരെയും പ്രായപരിധി ഇളവ് ലഭിക്കും.

വിദ്യാഭ്യാസ യോഗ്യത

ഹയർ സെക്കൻഡറി (പ്ലസ് ടു) അല്ലെങ്കിൽ തത്തുല്യ യോഗ്യത നേടിയിരിക്കണം.

സാങ്കേതിക യോഗ്യത

ഉദ്യോഗാർത്ഥികൾക്ക് താഴെ പറയുന്ന വാഹനങ്ങൾ ഓടിക്കുന്നതിന് നിലവിൽ സാധുവായ ഡ്രൈവിംഗ് ലൈസൻസും ഡ്രൈവേഴ്സ് ബാഡ്ജും ഉണ്ടായിരിക്കണം.

What you should read next

റെയിൽവേയിൽ സ്റ്റേഷൻ മാസ്റ്റർ ജോലി നേടാം : 1215 ഒഴിവ്

• ഗിയറോടുകൂടിയ മോട്ടോർസൈക്കിൾ
• ലൈറ്റ് മോട്ടോർ വാഹനം (LMV)
• ഹെവി പാസഞ്ചർ വാഹനം
• ഹെവി ഗുഡ്സ് വാഹനം

കൂടാതെ പി.എസ്.സി. നടത്തുന്ന പ്രായോഗിക പരീക്ഷയിൽ ഡ്രൈവിംഗ് പ്രാവീണ്യം തെളിയിക്കണം.

ശാരീരിക യോഗ്യത

പുരുഷന്മാർ

• ഉയരം: 168 സെ.മീ.
• നെഞ്ചളവ്: 81 സെ.മീ. (5 സെ.മീ. വികാസം)

വനിതകൾ

• ഉയരം: 157 സെ.മീ.

എസ്.സി./എസ്.ടി. വിഭാഗക്കാർക്ക് ഉയരത്തിലും നെഞ്ചളവിലും ഇളവുകൾ ലഭിക്കും.

കായികക്ഷമതാ പരീക്ഷ

പുരുഷ ഉദ്യോഗാർത്ഥികൾ 8 ഇനങ്ങളിൽ ഏതെങ്കിലും 5 ഇനങ്ങളിലും, വനിതാ ഉദ്യോഗാർത്ഥികൾ 7 ഇനങ്ങളിൽ ഏതെങ്കിലും 5 ഇനങ്ങളിലും യോഗ്യത നേടണം.

പ്രധാന ഇനങ്ങൾ:

• 100 മീറ്റർ ഓട്ടം
• ഹൈജംപ്
• ലോംഗ് ജംപ്
• ഷോട്ട് പുട്ട്
• ബോൾ ത്രോ
• റോപ്പ് ക്ലൈമ്പിംഗ് (പുരുഷൻമാർ)
• ഷട്ടിൽ റേസ് (വനിതകൾ)
• 1500 മീറ്റർ ഓട്ടം (പുരുഷൻമാർ)

അധിക മാർക്ക്

• NCC ‘A’, ‘B’, ‘C’ സർട്ടിഫിക്കറ്റ് ഉള്ളവർക്ക് യഥാക്രമം 2%, 3%, 5% വെയിറ്റേജ്.
• മെറിറ്റോറിയസ് സ്പോർട്സ് താരങ്ങൾക്ക് അധിക മാർക്ക്.
• SPC (Student Police Cadet) സർട്ടിഫിക്കറ്റ് ഉള്ളവർക്ക് വെയിറ്റേജ് മാർക്ക്.

പരിശീലനം

തിരഞ്ഞെടുക്കപ്പെടുന്നവർക്ക് കേരള പോലീസ് അക്കാദമി/പോലീസ് ട്രെയിനിംഗ് കോളേജ്/ആംഡ് പോലീസ് ബറ്റാലിയനുകളിൽ 9 മാസത്തെ പ്രീ-സർവീസ് പരിശീലനം ഉണ്ടായിരിക്കും.

അപേക്ഷ സമർപ്പിക്കേണ്ട വിധം

കേരള പി.എസ്.സി.യുടെ ഔദ്യോഗിക വെബ്സൈറ്റായ www.keralapsc.gov.in വഴി ഒറ്റത്തവണ രജിസ്ട്രേഷൻ (One Time Registration) പൂർത്തിയാക്കിയ ശേഷം ഓൺലൈനായി അപേക്ഷിക്കാം. അപേക്ഷാ ഫീസ് ഇല്ല. അവസാന തീയതി: 2026 ജൂലൈ 1 രാത്രി 12 മണി വരെ അപേക്ഷ സമർപ്പിക്കാം.

WhatsApp Channel

Join Now

Telegram Channel

Join Now

Add Free Job Alerts Kerala as a trusted source on Google