Govt. Jobs

കോടതികളിൽ സിസ്റ്റം അസിസ്റ്റന്റ് നിയമനം | Court System Assistant Recruitment

25/02/2023

1023

Ads

കേരളത്തിലെ സബോർഡിനേറ്റ് കോടതികളിലേക്ക് സിസ്റ്റം അസിസ്റ്റന്റുമാരെ കരാർ അടിസ്ഥാനത്തിൽ നിയമിക്കുന്നു. കേരള ഹൈക്കോടതിയാണ് വിജ്ഞാപനം പ്രസിദ്ധീകരിച്ചത്. റിക്രൂട്ട്മെന്റ് നമ്പർ: ECC 1/2023.

തസ്തിക: സിസ്റ്റം അസിസ്റ്റന്റ്. ഒഴിവ്: 90 ശമ്പളം: 21,850 രൂപ. യോഗ്യത: ഗവൺമെന്റ് അംഗീകാരമുള്ള ത്രിവത്സര ഡിപ്ലോമ (കംപ്യൂട്ടർ/ ഇലക്‌ട്രോണിക്സ്) അല്ലെങ്കിൽ ബി.എസ്‌സി. (കംപ്യൂട്ടർ സയൻസ്)/ ബി.സി.എ. അല്ലെങ്കിൽ അനുബന്ധമേഖലയിൽ മറ്റ് ഉയർന്ന യോഗ്യത. കംപ്യൂട്ടർ നെറ്റ് വർക്കിങ്, ഹാർഡ്‌വേർ ട്രബിൾഷൂട്ടിങ് എന്നിവയിൽ കുറഞ്ഞത് രണ്ടുവർഷ പ്രവൃത്തിപരിചയം.
പ്രായം: 02-01-1982-നോ അതിന് ശേഷമോ ജനിച്ചവരായിരിക്കണം.

തിരഞ്ഞെടുപ്പ്: അപേക്ഷ സമര്‍പ്പിക്കുന്നവരില്‍നിന്ന് ഷോര്‍ട്ട് ലിസ്റ്റ് ചെയ്യുന്നവര്‍ക്കായി അനലറ്റിക്കല്‍/ ടെക്നിക്കല്‍ ടെസ്റ്റ് (ആവശ്യമെങ്കില്‍), അഭിമുഖം എന്നിവ നടത്തും. റാങ്ക് ലിസ്റ്റ് അടിസ്ഥാനമാക്കി ഹൈക്കോടതിയാണ് ഏത് ജില്ലയിലാണ് നിയമനം നല്‍കേണ്ടതെന്ന് തീരുമാനിക്കുന്നത്. റാങ്ക് ലിസ്റ്റിന് രണ്ട് വര്‍ഷത്തെ കാലാവധിയുണ്ടാകും. കരാര്‍ അടിസ്ഥാനത്തില്‍ തുടക്കത്തില്‍ രണ്ടുവര്‍ഷത്തേക്കായിരിക്കും നിയമനം. പിന്നീട് നീട്ടിക്കിട്ടാം.

What you should read next

അസാപ് കേരള തൊഴിൽ മേള ജൂൺ 27ന്; SSLC മുതൽ PG വരെ യോഗ്യതയുള്ളവർക്ക് അവസരം

അപേക്ഷ: നിര്‍ദിഷ്ട മാതൃകയില്‍ അപേക്ഷ തയ്യാറാക്കി പ്രായം, യോഗ്യത, ഫോട്ടോ പതിച്ച തിരിച്ചറിയല്‍ രേഖ, ഇന്‍ഡസ്ട്രി സര്‍ട്ടിഫിക്കേഷന്‍, പ്രവൃത്തിപരിചയം തുടങ്ങിയ അനുബന്ധ രേഖകളുടെ സ്വയം സാക്ഷ്യപ്പെടുത്തിയ പകര്‍പ്പുകളും സഹിതം നേരിട്ട് സമര്‍പ്പിക്കുകയോ തപാല്‍/ സ്പീഡ് പോസ്റ്റ് ആയി അയയ്ക്കുകയോ ചെയ്യണം. അപേക്ഷാ ഫീസില്ല.

തപാല്‍ വിലാസം: The Registrar Computerisation)-Cum-Director (IT), High Court of Kerala, Kochi, 682031. നേരിട്ട് സമര്‍പ്പിക്കേണ്ട സ്ഥലം: eCourt cell, 5th floor,High Court of Kerala, Ernakulam.അവസാനതീയതി: 2023 മാർച്ച് 6. വിവരങ്ങൾക്ക്: 0484-256 2575, www.hckrecruitment.nic.in