എറണാകുളം എംപ്ലോയബിലിറ്റി സെൻററിന്റെ ആഭിമുഖ്യത്തിൽ തൊഴിൽമേള മാർച്ച് 27 ന്

26/03/2025

701

Ads

എറണാകുളം എംപ്ലോയബിലിറ്റി സെൻററിന്റെ ആഭിമുഖ്യത്തിൽ 2025 മാർച്ച് 27 ന് രാവിലെ 10.30 ന് തൊഴിൽമേള സംഘടിപ്പിക്കുന്നു. വിവിധ പ്രമുഖ സ്ഥാപനങ്ങൾ പങ്കെടുക്കുന്ന ഈ തൊഴിൽമേള കാക്കനാട് സിവിൽ സ്റ്റേഷൻ ഓൾഡ് ബ്ലോക്കിലെ അഞ്ചാം നിലയിൽ പ്രവർത്തിക്കുന്ന എംപ്ലോയ്മെന്റ് എക്സ്ചേഞ്ചിൽ വച്ചാണ് നടത്തുന്നത്.

ലഭ്യമായ ഒഴിവുകൾ

തൊഴിൽമേളയിൽ താഴെപ്പറയുന്ന തസ്തികകളിലേക്കാണ് നിയമനം നടത്തുന്നത്:

ഡ്രൈവർ (ഫുൾ ടൈം/പാർട്ട് ടൈം)
ടെലി മാർക്കറ്റിങ് അസിസ്റ്റന്റ്
എ.ടി.എം ഓഫീസേഴ്സ്
ട്രെയിനേഴ്സ് (ഇലക്ട്രിക്കൽ ആന്റ് ഇലക്ട്രോണിക്സ് വർക്ക്)
ഡെലിവറി എക്സിക്യൂട്ടീവ്
മാർക്കറ്റിങ് എക്സിക്യൂട്ടീവ്
ചീഫ്/എക്സിക്യൂട്ടീവ് ബിസിനസ് മാനേജർസ്

പങ്കെടുക്കുന്ന കമ്പനികൾ

പ്രമുഖ കമ്പനികളിൽ ജോലി നേടാൻ അവസരം നൽകുന്ന തൊഴിൽമേളയിൽ പഞ്ചാബ് നാഷണൽ ബാങ്ക് ഇൻഷുറൻസ്, ഹിറ്റാച്ചി ക്യാഷ് മാനേജ്മെന്റ്, മലയാള മനോരമ, ഡി.ടീ.ഡി.സീ, ഒ/ഇ/എൻ ഇന്ത്യ ലിമിറ്റഡ് എന്നീ സ്ഥാപനങ്ങളാണ് പങ്കാളികളാവുന്നത്.

യോഗ്യതയും അപേക്ഷിക്കേണ്ട വിധവും

പത്താം ക്ലാസ്, പ്ലസ് ടു, ഐ.ടി.ഐ, ഡിപ്ലോമ, ബിരുദം, ബിരുദാനന്തര ബിരുദം, എം.ബി.എ എന്നിവയിൽ ഏതെങ്കിലും യോഗ്യതയുള്ളവർക്ക് തൊഴിൽമേളയിൽ പങ്കെടുക്കാം.
താല്പര്യമുള്ള ഉദ്യോഗാർത്ഥികൾ 2025 മാർച്ച് 27-ന് മുമ്പായി empekm.1@gmail.com എന്ന ഇ-മെയിൽ വിലാസത്തിൽ ബയോഡാറ്റ അയക്കണം.
തുടർന്ന് 2025 മാർച്ച് 27-ന് രാവിലെ 10.30ന് നാലു കോപ്പി ബയോഡാറ്റ സഹിതം അഭിമുഖത്തിനായി ഹാജരാകണം.

മറ്റു നിർദേശങ്ങൾ

എംപ്ലോയബിലിറ്റി സെൻററിൽ രജിസ്റ്റർ ചെയ്തിരിക്കണം.
ഇതുവരെ രജിസ്ട്രേഷൻ ചെയ്യാത്തവർക്ക് 250 രൂപ അടച്ച് ആജീവനാന്ത രജിസ്ട്രേഷൻ ചെയ്യാം. രജിസ്ട്രേഷൻ ചെയ്ത ശേഷം അഭിമുഖത്തിൽ പങ്കെടുക്കാം.

തൊഴിൽമേള നമ്മുടെ കരിയറിനു മുന്നേറ്റം നൽകുന്നതിനുള്ള ഒരു മികച്ച അവസരമാണ്. യോഗ്യരായ എല്ലാ ഉദ്യോഗാർത്ഥികളും ഈ അവസരം പരമാവധി പ്രയോജനപ്പെടുത്തുക.

Ads