Jobs at Kerala

കേരള ബാങ്കില്‍ ഗോള്‍ഡ് അപ്രൈസര്‍ ആകാം: 586 ഒഴിവുകള്‍

19/01/2023

872

Ads

കേരള സ്റ്റേറ്റ് കോ-ഓപ്പറേറ്റീവ് ബാങ്ക് ലിമിറ്റഡ് (കേരള ബാങ്ക്), വിവിധ ശാഖകളിലേക്ക് ഗോള്‍ഡ് അപ്രൈസര്‍മാരെ തേടുന്നു. ആകെ 586 ഒഴിവുണ്ട്. കമ്മിഷന്‍ വ്യവസ്ഥയില്‍ താത്കാലികാടിസ്ഥാനത്തിലായിരിക്കും നിയമനം. വനിതകള്‍ക്കും അപേക്ഷിക്കാം. ഓരോ ജില്ലയിലേക്കും അപേക്ഷിക്കുന്നവര്‍, ആ ജില്ലയിലെ ബാങ്കിന്റെ ഏത് ശാഖയിലും ജോലിചെയ്യാന്‍ തയ്യാറായിരിക്കണം. ഒരാള്‍ ഒന്നില്‍ക്കൂടുതല്‍ ജില്ലകളിലേക്ക് അപേക്ഷിക്കരുത്.

യോഗ്യത: പത്താംക്ലാസ് ജയം. സ്വര്‍ണത്തിന്റെ മാറ്റ് പരിശോധിക്കുന്നതില്‍ ഏതെങ്കിലും അംഗീകൃതസ്ഥാപനം/ഏജന്‍സി നല്‍കുന്ന സര്‍ട്ടിഫിക്കറ്റ് അല്ലെങ്കില്‍ ആഭരണനിര്‍മാണത്തൊഴിലാളി ക്ഷേമനിധി ബോര്‍ഡ് അംഗത്വം. സ്വര്‍ണപ്പണിയില്‍ കുറഞ്ഞത് അഞ്ചുവര്‍ഷത്തെ പ്രവൃത്തിപരിചയം വേണം.

പ്രായം: 21-50 വയസ്സ്.
തിരഞ്ഞെടുപ്പ്: അഭിമുഖം, പ്രായോഗികപരിജ്ഞാന പരീക്ഷ, പോലീസ് വെരിഫിക്കേഷന്‍/ക്ലിയറന്‍സ് എന്നിവയുടെ അടിസ്ഥാനത്തിലായിരിക്കും തിരഞ്ഞെടുപ്പ്. സെക്യൂരിറ്റി തുക, ഇന്‍ഡെമിനിറ്റി ബോണ്ട്, പൊതുസമ്മതരായ രണ്ട് വ്യക്തികളുടെ ജാമ്യം എന്നിവ നിയമനസമയത്ത് നല്‍കേണ്ടിവരും.
അപേക്ഷ: കേരള ബാങ്കിന്റെ ചീഫ് എക്‌സിക്യുട്ടീവ് ഓഫീസറുടെ പേരില്‍ അപേക്ഷ തയ്യാറാക്കി ബാങ്കിന്റെ റീജണല്‍ ഓഫീസുകള്‍/ജില്ലാകേന്ദ്രങ്ങള്‍ എന്നിവിടങ്ങളില്‍ സമര്‍പ്പിക്കണം. അപേക്ഷ സ്വീകരിക്കുന്ന അവസാന തീയതി: 2023 ജനുവരി 21 (5 pm).