Banking Jobs

എസ്.ബി.ഐ. ജൂനിയർ അസോസിയേറ്റ് ഒഴിവുകൾ – യോഗ്യത: ബിരുദം

26/12/2024

1731

Ads

സ്റ്റേറ്റ് ബാങ്ക് ഓഫ് ഇന്ത്യയിൽ ജൂനിയർ അസോസിയേറ്റ് ( SBI Junior Associate Recruitment 2025) (കസ്റ്റമർ സപ്പോർട്ട് ആൻഡ് സെയിൽസ് – State Bank Of India Customer Support and Sales) തസ്തികയിലേക്കുള്ള വിജ്ഞാപനം പ്രസിദ്ധീകരിച്ചു. (നേരത്തേ ഈ തസ്തിക ക്ലാർക്ക് എന്നപേരിൽ ആണ് അറിയപ്പെട്ടിരുന്നത്). ബിരുദധാരികൾക്കാണ് അപേക്ഷിക്കാൻ അവസരം.
14,191 (റഗുലർ-13,735, ബാക്ക് ലോഗ്-456) ഒഴിവുകളാണ് ഉള്ളത്. ഇതിൽ 428 ഒഴിവ് കേരളത്തിലാണ് ഉള്ളത് (റഗുലർ-426, ബാക്ക് ലോഗ്-2 ഒഴിവ്).

യോഗ്യത: അംഗീകൃത സർവകലാശാലയിൽ നിന്ന് ഏതെങ്കിലും വിഷയത്തിൽ നേടിയ ബിരുദം/ തത്തുല്യ യോഗ്യത. 2024 ഡിസംബർ 31-നോ അതിനുമുൻപോ നേടിയതായിരിക്കണം മേൽ പറഞ്ഞ യോഗ്യത. ഏത് സംസ്ഥാനത്തേക്കാണോ അപേക്ഷിക്കുന്നത് ആ സംസ്ഥാനത്തെ പ്രാദേശികഭാഷ (കേരളത്തിലെയും ലക്ഷദ്വീപിലെയും ഒഴിവുകളിലേക്ക് അപേക്ഷിക്കുന്നവർക്ക് മലയാളം ആണ് അറിയേണ്ടത്) അറിഞ്ഞിരിക്കണം.

പ്രായം: 1.4.2024-ന് 20-28 വയസ്സ്. ഉയർന്ന പ്രായപരിധിയിൽ എസ്.സി., എസ്.ടി. വിഭാഗക്കാർക്ക് അഞ്ചുവർഷത്തെയും ഒ.ബി.സി. വിഭാഗക്കാർക്ക് മൂന്നുവർഷത്തെയും ഇളവുണ്ട്. വിധവകൾക്കും പുനർവിവാഹിതരാവാത്ത വിവാഹമോചിതകൾക്കും 35 വയസ്സുവരെ (എസ്.സി., എസ്.ടി.-40, ഒ.ബി.സി.-38) അപേക്ഷിക്കാം. എസ്.ബി.ഐ.യിൽ 30.11.2024-നോ അതിനുമുൻപോ അപ്രന്റിസ്ഷിപ്പ് വിജയകരമായി പൂർത്തിയാക്കിയവർക്ക് ജനറൽ/ ഇ.ഡബ്ല്യു.എസ്.-ഒരു വർഷം, ഒ.ബി.സി.-4 വർഷം, എസ്.സി., എസ്.ടി.-6 വർഷം, ഭിന്നശേഷി (എസ്.സി./എസ്.ടി)-16 വർഷം, ഭിന്നശേഷി (ഒ.ബി.സി.)-14 വർഷം ഭിന്നശേഷി (ജനറൽ/ ഇ.ഡബ്ല്യു.എസ്.)-11 വർഷം എന്നിങ്ങനെയും വയസ്സിളവിന് അർഹതയുണ്ടായിരിക്കും.

വിശദവിവരങ്ങൾക്കും അപേക്ഷിക്കുന്നതിനും sbi.co.in സന്ദർശിക്കുക. അവസാന തീയതി: 2025 ജനുവരി 7. IBPS വഴിയാണ് അപേക്ഷ സമർപ്പിക്കേണ്ടത്. കമ്പ്യൂട്ടറിൻ്റെ സഹായത്തോടെ അപേക്ഷിക്കുന്നതാണ് ഉചിതം.

Ads

Notification

Apply Online